Emstrivadur meinveur Karnag hag aodoù ar Morbihan a zo douget davet an UNESCO gant 28 kumun, kuzul Departamant ar Morbihan, daou ziazezadur publik a genlabour etrekumunel (DPKE) , Departamant ar Morbihan, Kreizenn ar Monumantoù Broadel (KMB), Mirva an Arvor, Rannvro Breizh, kalz kumunioù ha kevredigezhioù kevelet, Gwened hag An Alre en o-zouez.
Petra eo glad bedel an unesco ?
E 1972 eo bet peurwiriekaet an Emglev evit gwareziñ ar glad bedel, sevenadurel ha naturel ; unan eus ar programmoù lieseurt kaset gant an UNESCO. Broudiñ ha harpiñ a ra gwarez 933 lec'hienn sevenadurel, 227 lec'hienn naturel ha 39 lec'hienn gemesk.
Ma 'z eo disheñvel-bras an eil diouzh egile ar 1 199 Mad douget war ar roll-se o deus ranket, an holl anezhe, diskouez en doa pep unan un Talvoudegezh Bedel Dreistordinal (TBD). Da skouer :
- savadurioù, holladoù savouriezh pe lec'hiennoù
- madoù dasparzhet ha liesseurt
- madoù treuzbroadel
- dremmvroioù sevenadurel
- hentoù sevenadurel
Eus an holl prantadoù e teu ar madoù. E Europa eo e kaver tost an hanter eus al lec'hiennoù emskrivet : 463 lec'hienn sevenadurel ha 65 lec'hienn naturel.
Gant daou framm bras eo melestret ar programm ec'hon-se :
Poellgor ar Glad Bedel
- E karg eus seveniñ an Emglev
- 21 Stad ezel dilennet pep 6 vloaz.
- Dasparzh hag implij Yalc'had ar glad bedel (YGB)
- Enskriviñ pe get al lec'hiennoù war ar Roll
- Studial danevelloù doare dalc'h e stad vat al lec'hiennoù enskrivet ha goulenn an diwarbennoù ret evit taliñ ouzh diaesterioù dalc'h.
- Diviz an dougen pe get war ar Roll en arvar
Kreizenn ar Glad Bedel
- Kroueet e 1992
- Kenurzhiiñ e-ser an UNESCO an obererezhioù o tenniñ d'ar glad bedel
- Aoziñ sezioù bloaziek ar poellgor
- Aliiñ ar Stadoù ezel war ar goulennoù emstriviñ
- Aoziñ goulenn sikour etrevroadel an YGB
- Studial an teuliadoù goulenn emstriviñ
- Aoziñ bodadoù studi hag atalieroù teknikel
- Sevel dafar pedagogel